Google ADS

Nënkryetari i AAK-së: S’ka probleme në koalicionin qeverisës

22:31 | 18 Korrik 2019
Arbresh.info

Nënkryetari i Aleancës për Ardhmërinë e Kosovës, Ahmet Isufi, ka thënë se koalicioni PAN ka mendime të ndryshme për çështje të caktuara, por nuk ka përçarje, që ta rrezikojë koalicionin.

“Në brendësi të koalicionit nuk ka ndonjë problem, ka ndonjëherë mendime të ndryshme për temat, gjë që është normale. Momentalisht nuk shoh ndonjë përçarje që e rrezikon koalicionin”, ka thënë Isufi.

“Opozita nuk është e gatshme ta bëjë një gjë të tillë (rrëzimin e Qeverisë v.j.), qoftë për shkak të zgjedhjeve të LDK-së, ndarjes së Vetëvendosjes dhe në anën tjetër stabilitetit që e ka koalicioni”, ka thënë Isufi në televizionin publik.

Ai ka theksuar se AAK-ja dhe Nisma Socialdemokrate kanë pasur kohëve të fundit debat, por ka ekzistuar komunikimi dhe është gjetur mirëkuptimi.

Shpërndaje në rrjete sociale

Lajmet më të lexuara

Të ngjashme

Foto lajm