Pesë vjet karriere si trajner, Seedorf shkarkohet për herë të katërt

16:16 | 17 Korrik 2019
Arbresh Info

Më parë ishte lojtar i suksesshëm i Interit, Real Madridit dhe Milanit, Clarence Seedorf, por duket se nuk po i shkon për dore puna e trajnerit.

Holandezi u shkarkua si përzgjedhës i ekipit kombëtar kamerunas, njofton Federata e Futbollit të Kamerunit.

Holandezi është zëvendësuar sepse Kameruni, si kampion në fuqi i Kupës së Kombeve të Afrikës, u eliminua në 1/8 e finales kundër Nigerisë duke pësuar humbje me rezultat 3:2.

Edhe përpara turneut në Egjipt, Seedorf u godit nga publiku në Kamerun, për shkak të rezultateve në kualifikimet dhe mungesën e lojtarëve individualë.

Së bashku me të, gjithashtu u largua edhe ndihmësi Patrick Kluivert, një ish-shok i kombëtares holandeze.

Ndryshe, 43-vjeçari udhëhoqi për një vit e gjysmë kamerunasit derisa brenda pesë vjetëve karriere si trajner është shkarkuar edhe nga Milani, Shenzhen dhe Deportivo nga La Coruna.

Shpërndaje në rrjete sociale

Lajmet më të lexuara

Të ngjashme

Foto lajm