PDK propozon Muzafer Shalën ministër të ri të Inovacionit dhe Ndërmarrësisë

11:48 | 13 Korrik 2019
M. A.

Kryetari i Partisë Demokratike të Kosovës, Kadri Veseli ka propozuar në pozitën e ministrit të  Ministrisë së Ndërmarrësisë dhe Inovacioneve, Muzafer Shalën, i cili është doktor shkence në fushën e Inxhinierisë Elektronike në Universitetin e KENT-it.

Kryetari Veseli tha se së bashku me ministrin e ri, Muzafer Shalën, do ta bëjnë Kosovën vend të zhvilluar dhe t’i përkrahin të rinjtë e vendit.

“Kosovën do ta bëjmë një vend shumë të zhvilluar perëndimor vetëm këtu në Kosovë do të jetojmë dhe veprojmë. Muzaferi do ta bëjë ministrinë e inovacioneve si derë të hapur për rininë e vendit”, tha Kadri Veseli.

I përzgjedhuri i PDK-së për ministër, Muzafer Shala tha se dyert e ministrisë do të jenë çdo herë të hapura për rinin e vendit

“Do të jem i përkushtuar me i shty përpara këto gjëra dhe ministrin e inovacioneve do ta krijoj si derë të hapur për rininë e Kosovës”

Muzafer Shala është anëtar i Partisë Demokratike të Kosovës dhe vjen nga Dega e PDK-së në Vushtrri./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm