Google ADS

Futbollisti i njohur Shkëlzen Gashi nderohet me titullin “Nderi i Qytetit”, nga komuna e Klinës

16:27 | 12 Korrik 2019
A. B.

Qyteti i Klinës sot ka pritur një mysafir të veçantë.

Është futbollisti i Kombëtares Shqiptare, Shkëlzen Gashi, që ka qëndruar gjatë ditës së sotme (e premte) në këtë qytet.

Shkëlzen Gashi, me propozim të kryetarit të komunës së Klinës, Zenun Elezaj dhe me miratimin e këshilltarëve komunal, në një seancë solemne të kuvendit komunal, i është ndarë titulli “Nderi i Qytetit”.

Gashi është nderuar për nderin që i ka bërë qytetit dhe qytetarëve të Klinës, gjatë karrierës së tij me Kombëtaren Shqiptare dhe me ekipe të ndryshme të futbollit në botë.

Gashi ishte pjesë kyçe e suksesit të Kombëtares Shqiptare, që në vitin 2016 shkroi historinë, duke u kualifikuar në Kampionatin Evropian që u mbajt në Francë.

Shpërndaje në rrjete sociale

Lajmet më të lexuara

Të ngjashme

Foto lajm