Të burgosurin e dërgojnë për mjekim në QKUK, u ik dy gardianëve

11:26 | 5 Korrik 2019
Arbresh.info

Një person i dënuar me burg është arratisur nga QKUK ku po merrte tretman mjekësor.

Në raportin 24 orësh të Policisë së Kosovës thuhet se i dyshuari ishte transferuar në QKUK të martën nën përkujdesje të dy gardianëve, shkruan arbresh.info.

“Është raportuar se i dyshuari mashkull K/Shqiptar i cili ishte duke vuajtur dënimin në burg për shkaqe shëndetësor ishte transferuar në QKUK për trajtim mjekësor nën përkujdesje të dy gardianëve”, thuhet në raport.

Policia e Kosovës ka njoftuar gjithashtu se dy gardianët janë arrestuar ndërsa hetimet për të dyshuarin janë duke vazhduar.

“I njëjti me 04.07.2019 ka arritur të arratiset dhe është larguar në drejtim të panjohur ndërsa dy të dyshuarit me vendim të prokurorit janë arrestuar dhe pas intervistimit janë dërguar në mbajtje. Rasti është duke u hetuar”, përfundon njoftimi i PK-së./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm