Haradinaj me Edi Ramën dhe homologët tjerë në një tavolinë në Poznan

09:05 | 5 Korrik 2019
V. S.

Kryeministri i Kosovës, Ramush Haradinaj gjenden në Poznan të Polonisë, ku do të merr pjesë në takimin e liderëve në kuadër të Samitit të Ballkanit Perëndimor.

Në një foto të publikuar nga kryeministri, ai shihet bashkë në një tryezë me homologun nga Shqipëria, Edi Rama dhe të tjerë kryeministra të rajonit.

“Para fillimit të sesionit plenar të Samitit të Ballkanit Perëndimor në Poznan, në bashkëbisedim me Kryeministrat e rajonit”, ka shkruar Haradinaj.

Në takimet tre-ditore të Samitit të Ballkanit Perëndimor po marrin pjesë gjashtë vendet e Ballkanit Perëndimor që morën pjesë në procesin e para-anëtarësimit në Berlin.

Tema kryesore e këtij takimi janë ekonomia, mundësia e ndërlidhjes, shoqëria civile, të rinjtë, kultura dhe siguria.

Shpërndaje në rrjete sociale

Lajmet më të lexuara

Të ngjashme

Foto lajm