Google ADS

Josa drejt largimit, Prishtina bisedon me tre trajnerë

17:10 | 4 Korrik 2019
Arbresh Info

Klubi më i madh kosovar, Prishtina është eliminuar nga Liga e Evropës.

Kryeqytetasit morën pjesë në raundin parakualifikues ku u përballën me skuadrën nga Gjibraltari, St Joseph’s.

Ndeshja e parë në stadiumin ‘Fadil Vokrri’ përfundoi me barazim 1-1, ndërsa në të kthimit St Joseph’s shënoi fitore 2-0 për të kaluar në raundin e parë të Ligë së Evropës.

Pas këtij eliminimi turpërues, Prishtina duket se do ta shkarkojë nga detyra trajneri tiranas Mirel Josa.

Prishtinasit kanë kontaktuar deri më tani tre trajnerë të ndryshëm për ta marrë klubin në dorë.

Ish-trajneri i Skënderbeut e Flamurtarit të Vlorës, Ilir Daja është kontaktuar nga drejtuesit bardhekaltër.

Ndërkohë presidenti i klubit Remzi Ejupi ka pasur takim edhe me dy trajnerë nga Kosova.

Fjala është për dy ish-trajner të Prishtinës, Ramiz Krasniqin dhe Bylbyl Sokolin.

Brenda kësaj jave klubi kryeqytetas pritet të zyrtarizojë largimin e Josës dhe emërimin e trajnerit të ri.

Shpërndaje në rrjete sociale

Lajmet më të lexuara

Të ngjashme

Foto lajm