Bordi i RTK-së nuk ka arritur të sigurojë kuorumin prej 6 anëtarësh për të zgjedhur menaxhmentin e RTK-së. Anëtarja e Bordit nga radhët e LDK, Naile Demiri, e ka lëshuar takimin në momentin kur Drejtori i Përgjithshëm, Ngadhnjim Kastrati i ka rekomanduar Bordit emrat për zëvendës drejtor të përgjithshëm, drejtorin e televizionit dhe drejtorin e radios, ka thënë një burim brenda Bordit të RTK-së.
Bordi i RTK-së nuk do të ketë mundësi të takohet më për këtë çështje pasi që sipas ligjeve në fuqi në Republikën e Kosovës me 30 qershor përfundon afati kur do të duhej e gjithë procedura për përzgjedhjen e këtyre kandidatëve të përfundonte.
Në Nenin 98 paragrafi 2 të Ligjit Nr.05/L-031 Për Procedurën e Përgjithshme Administrative thuhet:
“Në rast se ligji i veçantë nuk e ka paraparë një afat, siç është e paraparë në paragrafin 1 të këtij neni, afati i përgjithshëm i zbatueshëm për përfundimin e procedurës administrative është dyzetepesë (45) ditë nga fillimi i saj”
Konkursi është shpallur me datën 14.05.2019, ndërsa Bordi i RTK-së i ka vetëm edhe dy ditë afat, deri më 30.06.2019, për ta përfunduar të gjithë procedurën e përzgjedhjes së anëtarëve të menaxhmentit të RTK-së, në të kundërtën që nga dita e hënë konkursi ligjerisht konsiderohet i dështuar dhe duhet të rishpallet së paku 8 ditë më pas. Bordi i RTK-së ka një kohë që është duke kaluar nëpër një krizë të sigurimit të kuorumit për shkak të ndërhyrjeve të shpeshta politike, pasi që shumica e anëtarëve të Bordit zgjidhen me pazare në mes partive politike.
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...