Google ADS

Televizioni serb nuk i transmeton pamjet e FIBA-s pasi aty paraqitet harta e Serbisë pa Kosovën

18:34 | 28 Qershor 2019
A. B.

Radiotelevizioni publik i Serbisë, nuk do të transmetojë materialet e kampionatit basketbollistik të organizuar FIBA, pasi që aty paraqitet harta e Serbisë pa e përfshirë edhe territorin e Republikës së Kosovës.

Në njoftimin e Televizionit Publik të Serbisë thuhet që transmetuesit janë të obliguar të transmetojnë materialet e tyre promocionale, por megjithatë RTS nuk do të transmetojë materiale në të cilat harta e Serbisë është e paraqitur pa territorin e Kosovës.

Ndër të tjera është thënë se pse është ndërprerë edhe transmetimi i ndeshjes ndërmjet Serbisë dhe Bjellorusisë.

Arsyetimi ka qenë se: “Transmetimi i ndeshjes Serbi – Bjellorusi është ndërprerë për shkak të ndërprerjes së energjisë elektrike në Zrenjanin”.

RTS në anën tjetër ka refuzuar që t’i transmetoj materialet të cilat gjenden edhe në faqen zyrtare të FIBA-s.

“Përgjatë këtyre ndërprerje janë transmetuar disa pamje promovuese në të cilat shihet harta e Serbisë pa Kosovën”, shkruan rts.

Shpërndaje në rrjete sociale

Lajmet më të lexuara

Të ngjashme

Foto lajm