Prokuroria në Beograd ka hedhur poshtë padinë e politikanes serbe nga Kosova, Rada Trajkoviq që e kishte bërë ndaj presidentit serb, Aleksandar Vuçiq dhe drejtorit të të ashtuquajturës Zyre Serbe për Kosovën, Marko Gjuirq.
Kjo informatë u konfirmua për gazetën serbe “Danas” nga Trajkoviq e cila tha se Vuçiqi me publikimin e informacionevë në lidhje me hetimin e vrasjes së Oliver Ivanoviq, rrezikoi sigurinë e saj.
Prokuroria hodhi poshtë padinë duke pretenduar se ata nuk rrezikuan sigurinë e Rade Trajkoviq me deklaratat e tyre, transmeton Klan Kosova.
Ajo paraqiti padinë për deklaratat e bëra nga zyrtarët më të lartë shtetërorë pasi tabloidët njoftuan se ajo po bashkëpunonte me autoritetet hetuese të Kosovës në hetimin e vrasjes së Oliver Ivanoviqit. Kreu i shtetit serb ndër të tjera, kishte thënë se Trajkoviq, me dëshminë për vrasjen e Ivanoviqit, i ndihmoi shqiptarët të hyjnë në veri të Kosovës.
Nga ana tjetër, Gjuriq kishte thënë se “Rada Trajkoviq është vetëm një nga pjesëmarrësit në fushatën e organizuar të prishjes së reputacionit të shtetit dhe institucioneve të saj”.
Prokuroria e Kosovës konfirmoi se Trajkoviq ishte marrë në pyetje dhe pas deklaratave të zyrtarëve shtetërorë ajo mori mbrojtjen e policisë, transmeton Klan Kosova.
Faulli i pamatur i Matthijs De Ligt ndaj Schade e la yllin e...
Arrestohen dy persona për vjedhje të rëndë të një veture në ...
Ministri Vengu: Po e rijetësojmë industrinë ushtarake – në k...
“Mati 1” e “Bregu i Diellit” pa ujë shkaku i problemeve tekn...
Gjysma e amerikanëve drejt kutive të votimit/ Sondazhet komb...
Ndihmës Sekretari i Përgjithshëm i NATO-s: S’mendoj se jemi ...