Pendarovski propozoi Milazim Mustafën për anëtar të ri të Këshillit Gjyqësor

15:53 | 25 Qershor 2019
V. S.

Presidenti i Shtetit, Stevo Pendarovski, i propozoi Kuvendit Milazim Mustafën për anëtar të ri të Këshillit Gjyqësor.

Milazim Mustafa është këshilltar shtetëror në Ministrinë e Drejtësisë, në Sektorin për Ndihmë Ndërkombëtare Juridike.

Ai është jurist i diplomuar dhe magjistër në studime evropiane. Në biografinë e tij thuhet se ai ka diplomuar dhe magjistruar në Universitetin “Shën Kirili dhe Metodi” në Shkup.

Mustafa më herët ka punuar në Sekretariatin për Zbatimin e Marrëveshjes së Ohrit, në Ministrinë e Mbrojtjes dhe në Ministrinë e Drejtësisë. Është autor i disa punimeve shkencore. Ka qenë dhe është anëtar i disa grupeve punuese dhe komisioneve në fushën e gjyqësorit./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm