Google ADS

KFOR-i do të kryej ushtrim në fshatin Zhur

09:18 | 24 Qershor 2019
V. S.

KFOR-i ka paralajmëruar se do të realizojë një ushtrim në rajonin e Komunës së Prizrenit, saktësisht në fshatin Zhur.

Përmes një njoftimi për media KFOR ka bërë të ditur se sot në Rajonin e Komunës së Prizrenit, përkatësisht në afërsi të fshatit Zhur, KFOR-i me njësitë e veta do të kryej një ushtrim në terren ku përveç pjesëmarrjes së njësive ushtarake do të ketë edhe mjete të ushtrisë përfshirë edhe helikopter.

KFOR ka njoftuar se ky ushtrim nuk do të pengoj rrjedhën normale të qytetarëve.

“Andaj ju informojmë me kohë për këtë ushtrim ushtarak, në mënyre që qytetarët e rajonit të V’rrinit dhe banorët e Zhurit të mos shfaqin ndonjë habi apo diçka tjetër.”

“Ju lusim që për çdo paqartësi të kontaktoni me policinë dhe nëse shihni shenja të KFOR-it në rrugë apo ndonjë pengesë me mirëkuptim kërkojmë që ato të respektohen nga ana juaj”, thekson KFOR.

Policia e Kosovës do të jetë në vëzhgim të këtij aktiviteti dhe do të ofroj shërbime për çdo kërkesë të qytetarëve.

Shpërndaje në rrjete sociale

Lajmet më të lexuara

Të ngjashme

Foto lajm