Drejtoria e Policisë së Ferizajt, përmes një komunikate të lëshuar për medie, ka njoftuar se në ditën e djeshme dhe sot, në fshatrat Reqak,Mollopolc dhe  Petovë   të këtij qyteti  kanë arrestuar 5 persona dhe kanë  konfiskuar  4  traktorë si dhe  një sasi e drunjëve duke u transportuar në  mënyrë ilegale, përcjellë arbresh.info.

Më tutje në komunikatë thuhet se në fshatin Petrovë të Ferizajt, në oborrin e njërit nga të dyshuarit janë gjetur rreth 200 metra drunjë  pa dokumentacion të nevojshëm –të prera  në mënyrë ilegale.

Nga ana tjetër njësitet policore të këtij qyteti, kanë bërë të ditur se në lidhje me rastin, kanë informuar Inspektorët e Ministrisë së Bujqësisë dhe se plani operativ është duke vazhduar.

Më poshtë mund të gjeni komunikatën e plotë të lëshuar nga Drejtoria Rajonale e Policisë së Kosovës në Ferizaj:

“Bazuar në planin operativ ,,Mbrojtja e pyjeve 2019” , njësitet policore  të Stacionit Policor në Shtime, në mbështetje të Njësisë për reagim të shpejtë nga DRP Ferizaj, kanë vazhduar me angazhimin tyre të filluar kohë më parë lidhur me prerjen e pyjeve dhe transportimit ilegal të drunjëve .

Gjatë ditës së djeshme  dhe sot, në fshatrat Reqak,Mollopolc dhe  Petovë   ,njësitet policore  kanë arrestuar pesë (5) persona dhe janë  konfiskuar  4(katër)  traktorë si dhe  një sasi e drunjtëve duke u transportuar në  mënyrë ilegale.

Gjithashtu, në fshatin Petrovë ,në oborrin e njërit nga të dyshuarit janë gjetur rreth 200 metra drunjë  pa dokumentacion të nevojshëm –të prera  në mënyrë ilegale.

Janë informuar Inspektorët e Ministrisë së Bujqësisë-Agjencioni  Pyjor i Kosovës  të cilët do të vazhdojnë   procedurat ligjore lidhur me këtë rast,si dhe konfiskimin e masës drunore.

Plani operativ është në vazhdim .”, thuhet në komunikatë./arbresh.info/