Google ADS

Një në pesë persona në zonat e luftës vuan nga sëmundjet mendore

23:22 | 13 Qershor 2019
L G

Organizata e Kombeve të Bashkuara njoftoi se një në pesë persona në zonat e luftës vuan nga sëmundjet mendore.

“Rreth 22% e njerëzve në zonat e luftës vuajnë nga depresioni, ankthi ose çrregullimet post-traumatike, sipas analizës së 129 studimeve të botuara në revistën mjekësore ‘The Lancet”, thuhet në njoftimin e OKB-së.

Studimi po ashtu tregoi se pothuajse një në 10 persona në zonat e luftës vuan nga sëmundjet e mesme apo të rënda mendore.

“Duket se shkalla e të sëmurëve nga depresioni dhe ankthi është gjithnjë më e madhe te njerëzit më të moshuar. Depresioni është më i zakonshëm tek gratë”, theksohet në njoftim.

Sipas OKB-së, në vitin 2016 ka patur 53 konflikte në 37 vende të botës.

Në botë, në vitin 2016 ka pasur 69 milionë persona të shpërngulur, një numër rekord që nga fundi i Luftës së Dytë Botërore.

Shpërndaje në rrjete sociale

Lajmet më të lexuara

Të ngjashme

Foto lajm