Sot është nënshkruar marrëveshja e krijimit të koalicionit të partive të djathta ekstreme. Ky grup parlamentar, do të quhet “Identitet dhe Demokraci” dhe do të jetë grupi më i madh euroskeptik në parlamentin evropian.
Marine Le Pen, politikania e krahut të djathtë në Francë tha sot se ata nuk do të veprojnë në bazë të dinamikave të së kaluarës.
“Ne nuk do të vazhdojmë me dinamikën e njëjtë. Në fakt anëtarët e grupit ID tani janë pjesë edhe të qeverive kombëtare” tha ajo, raporton Euronews, transmeton GazetaExpress.
Kryetar i këtij grupi parlamentar do të jetë italiani, Marco Zanni, i cili është anëtarë i partisë italiane, Lega që udhëhiqet nga ministri i brendshëm i këtij shteti, Matteo Salvini.
Ky grup parlamentar tani do t’i ketë 73 ulëse nga 751 sa janë gjithsej, duke u bërë grupi i pestë më i madh.
Në anën tjetër, Nigel Farage dhe partia e tij ‘Brexit party’ refuzuan që të bëhen pjesë e këtij grupi parlamentar, me arsyetimin se ata e kanë “agjendën e tyre për daljen e Britanisë nga BE-ja”.
“Unë dhe Meta, çdo gjë e kemi arritur vetë”/ Kryemadhi: Do m...
Brenda tetë muajve përfundon tuneli në Kurriz, Rama: Projekt...
Geci: Vëllait i kanë ndodhur disa raste të improvizuara nga ...
Qeshja e Thaçit me dëshmitarin Fadil Geci, Endriti e poston ...
Presidenti Begaj vizitë zyrtare në Bosnje dhe Hercegovinë, p...
Neymar pas rikthimit: Fluturat në stomak para lojës janë gji...