Turqia ka shpërfillur ultimatumin e Shteteve të Bashkuara për të anuluar porosinë e sistemit raketor S-400 nga Rusia.
Ministri i jashtëm turk Mevlut Cavusoglu ka thënë se ‘askush’ nuk është në pozitë për t’i dhënë ultimatum Turqisë kur vjen puna te politika, transmeton portali arbresh.info.
Këto komente kryediplomati turk i bëri kur u pyet mbi letrën e Sekretarit në Detyrë i Mbrojtjes Patrick Shanahan ku kërcënonte Ankaranë me bllokim të dërgesave të F-35 nëse vazhdon tutje me blerjen e S-400.
Duke folur me gazetarët të enjten në një konferencë shtypi me homologun e tij francez, Cavusoglu tha se letra e shefit të Pentagonit nuk do ta bëjë Turqinë të kthehet në S-400, dhe përsëriti thirrjen e Ankarasë për të krijuar një grup pune, me pjesëmarrjen e Rusisë, për të adresuar çdo shqetësim të SHBA-së mbi sistemin rus të mbrojtjes ajrore.
Javën e kaluar, Shanahan i dërgoi homologut të tij turk Hulusi Akar një listë veprimesh që SHBA do të merrte nëse Ankaraja shkonte përpara me marrëveshjen e saj të mbrojtjes me Rusinë./Arbresh.info/
Kai Havertz ka ‘rilindur’ tek Arsenali
Bislimi: Këtë vit jemi në 100 shtetet e para për GDP për kok...
Haradinaj: Me qasjen vet-izoluese të Qeverisë, Kosova është ...
Maqedonci: Lidhja e Serbisë me agresorin rus, rrezik i përhe...
SBASHK-u kërkon zgjidhje për pagat e mësimdhënësve në Viti, ...
Policia bastisë një shtëpi në Dragash, arreston të dyshuarin...