Google ADS

Pep Guardiola vazhdon ta dëshprojë Juventusin

17:26 | 12 Qershor 2019
Arbresh.info

Pep Guardiola ia ka bërë me dije Juventusit përsëri e përsëri se nuk do ta braktisë asnjëherë Manchester City për t’iu bashkuar atij.

Trajneri spanjoll i kampionit anglez i hodhi poshtë lajmet se do ta marrë një vjet pushim dhe e paralajmëroi Juventusin se nga City do të largohet vetëm nëse klubi e përzë, transmeton Gazeta Express.

Gazetat angleze “The Sun” dhe “The Mirror” pohuan të mërkurën se Guardiola do ta merrte një vjet pushim nëse Manchester City e fiton Ligën e Kampionëve sezonin e ardhshëm.

Megjithatë, Pep këmbënguli se ajo që ka dalë në media për të është e pavërtetë.

“Nuk do ta marr një vjet pushim. Kjo ka dalë në media dhe ka bërë xhiro, ama nuk është e vërtetë”, tha Guardiola.

Ky lajm vjen pak pasi Eurosport raportoi se ish-trajneri i Barcelonës e kishte refuzuar një ofertë nga Juventusi për pagë vjetore prej 20 milionë euro.

Shpërndaje në rrjete sociale

Lajmet më të lexuara

Të ngjashme

Foto lajm