Kosova U21 mposhtë Turqinë në “Fadil Vokrri”

21:58 | 11 Qershor 2019
Arbresh Info

Kosova U21 ka siguruar një fitore mjaftë të rëndësishme mbrëmjen e sotme (e martë).

Djelmoshat e grupmoshave U21 kanë fituar me rezultat 3 me 1 në ndeshjen e zhvilluar si nikoqir kundër Turqisë U21 në kuadër të kualifikimeve për Kampionatin Evropian U21, shkruan portali arbresh.info.

Kombëtarja jonë zhbllokoi shifrat në sekondat e fundit të pjesës së parë me anë të Arbenit Xhemajlit, por shifrat u barazuan  me të filluar fraksioni i dytë kur Halil Dervisoglu shënoi për 1 me 1.

Mirlind Daku realizoi me kokë duke kthyer epërsinë e skuadrës nën udhëheqjen e Rafet Prekazit derisa po zhvillohej minuta e 72′.

Goli i tretë dhe i fundit u realizua nga Lirim Kastrati në minutën e fundit të kohës së rregullt.

Kosova tani qëndron në pozitën e parë në grupin e tretë me gjashtë pikë, dy më shumë se Turqia në pozitën e dytë dhe katër më shumë se Shqipëria në pozitën e tretë e ndjekur me një pikë nga Andorra./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm