Kompania “Apple” ka njoftuar se “iTunes” do të zëvendësohet nga “Apple Music”, “Apple Podcasts” dhe “Apple TV”.
Ka pasur spekulime se gjiganti teknologjik po planifikonte mbylljen e shërbimit muzikor që kishte lansuar në vitin 2001. Kompania po ashtu ka bërë të ditur edhe një numër masash të reja për privatësinë, në konferencën e saj të përvitshme të zhvillimit në San Jose.
Një regjistrim i ri do të jetë një alternativë për të hyrë në aplikacionet që përdorin llogaritë e medieve sociale, duke fshehur adresën e “e-mail”-it të përdoruesit dhe të dhënat. “iTunes” do të mbetet ndërkohë e pandryshuar në platformat “Windows”, transmeton “TCH”.
Gjiganti i teknologjisë shfrytëzon konferencën e përvitshme për të prezantuar planet e tij për muajt në vijim.
Të tjera përmirësime përfshijnë opsionin për të vënë në heshtje telefonuesit e panjohur dhe për të bllokuar dërguesit brenda aplikacionit “Mail”, kërkim të përmirësuar në mesazhe dhe mbushës të optimizuar të baterisë, përcjell albinfo.ch.
“Apple” ka bërë përmirësime edhe për tastierën e saj të gjuhës, përfshirë tastierat dygjuhëshe dhe parashikime në shkrim për disa gjuhë të botës.
Po ashtu, edhe “Apple Watch” bëhet më e pavarur nga “iPhone” me “App Store”-in e saj.
Gjiganti teknologjik zbuloi po ashtu edhe “Mac Pro”-në e ridizajnuar, të pajisur me një procesor “Intel 28 Core” dhe ekran “Display Retina 6K” që është 40 për qind më i madh sesa ekrani aktual i “iMac”.
Izraeli sërish sulmon Gazën – vriten të paktën 17 palestinez...
Lajçak pas takimit në Bruksel: Diskutum për Marrëveshjen e O...
Media spanjolle: Vizitoni Shqipërinë për një ‘arratisje të m...
Çfarë nuancash duhet t’u shtosh flokëve në vjeshtë për të la...
Kurti: 95% e terapisë për trajtimin e kancerit të gjirit mbu...
Kina, Rusia, Koreja e Veriut dhe Irani – “Boshti i ri i së k...