Google ADS

Mbahet aksion pastrimi tek Ujëvara e Drinit të Bardhë dhe ajo e Mirushës

07:00 | 5 Qershor 2019
Arbresh.info

“Let’s Do It” ka njoftuar se në bashkëpunim me Lëvizjen Globale ‘River Cleanup” do të organizohen aksione pastrimi dhe aktivitete tjera sot dhe nesër në kuadër të aktiviteteve të cilat zhvillohen për shënimin e Ditës Ndërkombëtare të Mjedisit.

Në këto aktivitete, që mbështeten edhe nga Ministria e Mjedisit dhe Planifikimit Hapësinor, do të pastrohen dy prej perlave të vendit tonë: Ujëvara e Drinit të Bardhë dhe ajo e Mirushës.

“Sot nisemi për në Pejë, gjegjësisht në Radavc, ku do të shohim për së afërmi mrekullitë natyrore të Kosovës – Ujëvarën e Drinit të Bardhë.”

“Më pas, do të pastrohet hapësira përreth kësaj ujëvare si dhe një pjesë të Lumit Drini i Bardhë.

Ndërsa, nesër mbahet aksioni i pastrimit të Ujëvarës së Mirushës dhe njëkohësisht të jeni pjesë e festës me shumë aktivitete atraktive”, njofton “Let’s Do It”./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm