Google ADS

Policia shkatërron grupin e grabitësve, në kërkim vetëm edhe Ridvan Ademi

14:14 | 4 Qershor 2019
Arbresh.info

Grabitje të shumta të armatosura u regjistruan gjatë vitit të kaluar në Kosovë. 

Policia i kishte renë në gjurmë një grupi të cilët dyshoheshin se po vepronin në rajone të ndryshme të vendit, ku cak kishin bankat, pikat e shitjes së naftës, marketet e veturat.
Derisa në pranga kishin përfunduar një pjesë e madhe e grupit, tre prej tyre arritën të ikin nga policia, raporton Indeksonline.

Kastriot Shala, Leutrim Latifi dhe Ridvan Ademi u shpallen në kërkim të policisë, madje për informata që do të qonin në arrestimin e të tyre, policia ofroi shpërblim 5 mijë euro.

Dy të parët u arrestuan javë më parë derisa në kërkim vazhdon të mbetet Ridvan (Rexhep) Ademi, i lindur me datë 11.08.1989 me banim në fshatin Dobratin të Podujevës.

Ai dyshohet se është larguar nga Kosova dhe deri tani nuk ka informacione se ku është vendndodhja e tij.

Policia kërkon informata për Ridvan Ademin dhe thotë se për qytetarët që ofrojnë informacion, do të garantojë konifidencë të plotë.

 

Shpërndaje në rrjete sociale

Lajmet më të lexuara

Të ngjashme

Foto lajm