Vazhdojnë kërkimet për viktimat në lumin Danub

20:27 | 3 Qershor 2019
Arbresh.info

Zhytësit u kthyen në brigjet e lumit Danub të Budapestit të hënën për t’u futur tek rrënojat e anijes me turistë që u përmbys javën e kaluar, pasi u përplas me një anije më të madhe turistësh.

Shtatë nga 33 turistë koreanojugorë humbën jetën kur anija Mermaid u përmbys vetëm shtatë sekonda pas përplasjes me një anije të linjës lundrimit Viking të mërkurën e kaluar.

Shtatë vetë në bordin e anijes Mermaid u shpëtuan, ndërsa 19 shtetas koreano-jugorë dhe dy anëtarë të ekuipazhit të anijes, që të dy hungarezë, rezultojnë të zhdukur.

Rrymat e forta të Danubit dhe pamjet e kufizuara nën ujë, i kanë penguar zhytësit të arrijnë tek anija e mbytur.

Policia hungareze e arrestoi menjëherë pas incidentit kapitenin ukrainas të anijes Viking, nën akuzat për “lundrim të rrezikshëm që shkaktoi një numër të madh vdekjesh”./Ora

Shpërndaje në rrjete sociale

Lajmet më të lexuara

Të ngjashme

Foto lajm