Forcat Speciale të Policisë së Shtetit kanë ndërmarrë një aksion të gjerë sot në Krujë e Fushë Krujë. Në qendër mësohet se është goditja e tentativave të kultivimit të kanabisit dhe kapja e personave të rrezikshëm.
Një operacion i madh policor ka nisur në Krujë mëngjesin e të premtes.
Rreth 100 efektivë të Forcës së Ndërhyrjes së Shpejtë, Forcave Shqiponja dhe atyre Operacionale kanë zbarkuar në qytet.
Ata po ushtrojnë kontrolle në objekte në qytetet e Fushë Krujës e Krujës dhe zonave malore.
Policia zyrtarisht nuk ka dhënë informacion, por burimet thonë se në qendër është goditja e tentativave për kultimin e bimëve narkotike dhe kapja e personave me rrezikshmëri.
Pjesë e këtij operacioni janë drejtues të komisariatit të Krujës por edhe nga Drejtoria e Durrësit.
Një operacion i ngjashëm u zhvillua edhe pak ditë më parë në Malësinë e Krujës dhe Fushë Krujës, ku policia mësohet se ka informacion për tentativa të kultivimit të bimëve narkotike.
Më herët gjatë muajit prill, katër parcela të mbjella me kanabis u zbuluan falë kontrolleve nga ajri në Memaliaj.
Lufta ndaj kultivimit të kanabisit është shpallur mes prioriteteve të Policisë për këtë vit, ku synimi është zerimi i fenomenit./ora news
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...