Pasi që kampioni ishe caktuar disa javë më parë, ku Partizani fitoi titullin, vetëm në xhiron e fundit, Tirana e ka siguruar mbijetesë.
Tirana ka arritur ta mposht thellë Flamurtarin me rezultat 3-0. Albi Doka shënoi në minutat 65 dhe 67 , ndërsa një e shtoi Edon Hasani.
Me këtë fitore Tirana u ngjit në kuotën e 47 pikëve.
Në anën tjetër Kastrioti ka pasur nga Kukësi (3-1). Reginaldo që realizoi dy herë kundrejt vetëm një goli të Shkurtajt, fitoi betejën me shokun e skuadrës për Këpucën e Artë të Superiores duke e mbyllur kampionatin me 13 gola.
Siguroi zyrtarisht kualifikimin në Ligën e Evropës edhe Teuta që me dy gola në minutat shtesë të Kallakut dhe Camara mposhti 2-0 Laçin në Niko Dovana dhe u ngjit në kuotën e 57 pikëve duke u renditur e treta.
Në vend të katërtë u pozicionua Skënderbeu që fitoi 3-0 në tavolinë ndaj Kamzës dhe parakaloi në renditje Flamurtarin.
Tashmë korçarët presin një përgjigje pozitive nga CAS dhe që Kukësi të mposhtë Tiranën në finalen e Kupës së Shqipërisë për të luajtur në Evropë.
Në Gjirokastër ndërkohë në një ndeshje pa objektiva Luftëtari e Partizani u ndanë në një barazim 1-1. /Ss/
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3