Google ADS

35 vjeçarja nga Obiliqi, shoferja e parë në “Trafikun Urban”

21:50 | 29 Maj 2019
L G

Në rrugët e kryeqytetit do të qarkullojë vozitësja e parë grua e “Trafikut Urban”.

35 vjeçarja nga Obiliqi e cila që nga e mërkura ka kontratë pranon se ndjehet e privilegjuar që po e bën këtë punë derisa kujton se askush nuk e besonte se do të arrinte deri këtu.

Në ditën e parë të punës ajo i befasoi udhëtarët. Madje ka të tillë që më shumë preferojnë ngasjen e autobusit nga një shofere.

Laura Mirena thotë se kur ka vendos shumë pak njerëz i kanë besuar se do të bëhet shofere e “Trafikut Urban”.

“Shumë më kanë thanë se nuk mundesh, është e vështirë në Kosovë, ndoshta nuk mundesh me u punësu se njerëzit nuk e kanë besimin”, ka deklaruar ajo për Klan Kosova, shkruan Reporteri.net

Ndërsa ka treguar se sa të vështirë e ka në kryeqytet të vozitë autobusin.

“Është pak e vështirë për shkak të qarkullimit të madh në Prishtinë, gjithashtu edhe infrastruktura ndoshta nuk është si duhet”, ka deklaruar ajo.

Shpërndaje në rrjete sociale

Lajmet më të lexuara

Të ngjashme

Foto lajm