Zëvendëskryeministri i Qeverisë së Republikës së Maqedonisë së Veriut, i ngarkuar për çështje evropiane, Bujar Osmani së bashku me ministrin e Punëve të Jashtme, Nikolla Dimitrov, nesër do të qëndrojnë për vizitë pune në Republikën e Italisë, në kuadër të së cilës do të realizojnë takim me ministrin e Punëve të Jashtme të Republikës së Italisë, Enzo Moavero Milanesi, si dhe do të takohen me kryetarin e Komitetit për marrëdhëniet me vendet e Ballkanit Perëndimor në Senatin Italian, Lucijano Di Alfonso.
Tema qendrore e takimeve, thuhet njoftojnë nga e SÇE, do të jetë integrimi i Republikës së Maqedonisë së Veriut në BE, si dhe mbështetja nga ana e Italisë për vendin pas shpalljes së Raportit të Progresit, në prag të mbajtjes së Këshillit Evropian në muajin e qershorit të këtij viti. Gjatë bisedimeve pritet të përfshihen edhe çështjet lidhur me perspektivën evropiane të vendeve të tjera nga Ballkani Perëndimor dhe dinamika rajonale.
Nga Italia, zëvendëskryeministri Osmani dhe ministri Dimitrov vazhdojnë në vizitë pune bilaterale në Mbretërinë e Belgjikës, ku pasnesër do të realizojnë takim me zëvendëskryetarin e Qeverisë dhe ministrin e Punëve të Jashtme dhe Çështje Evropiane të Mbretërisë së Belgjikës, Didie Rejnders.
Shoqëria civile në Beograd kërkon të zbatohen marrëveshjet e...
Turqia kërkon që komuniteti ndërkombëtar të ndërhyjë në Lind...
Rohde pas takimit me Orav: Pres që bashkërisht ta sjellim Ko...
Ronaldo mungon në fitoren e Al-Nassr
Një vit nga sulmi i Banjskës, Sveçla: Donin të aneksonin ver...
FBI: Krimet e dhunshme bien për të dytin vit radhazi