Një grup mbështetësish të presidentit të SHBA-ve, Donald Trump, po ndërtojnë një mur në kufi me Meksikën, transmeton Anadolu Agency (AA).
Sipas lajmit të BBC, organizata joqeveritare “Ne ndërtojmë murin (WeBuildtheWall)”, e themeluar nga mbështetësit e Trumpit, ka filluar të ndërtojë murin në kufirin mes dy vendeve.
Drejtori i organizatës jofitimprurëse dhe ish-ushtaraku amerikan, Brian Kolfage, në llogarinë e tij në Twitter ka postuar pamjet në lidhje me punën e ndërtimit të murit.
Ish-shefi strategjik i Shtëpisë së Bardhë, Steve Bannon i cili është në Bordin këshillues të organizatës, tha se muri do të mbushë boshllëkun prej 34 kilometrash mes mureve kufitare në rajonin kufitar mes qyteteve El Paso të SHBA-së dhe qytetit Juarez të Meksikës.
Ndërsa ish Sekretari i shtetit të Kansasit, Kris Kobach, i cili ushtron detyrën e këshilltarit ligjor të organizatës ka thënë se kostoja e ndërtimit do të jetë rreth 8 milionë dollarë.
Grupi në fjalë për të ndërtuar vetë murin mblodhi 22 milionë dollarë nëpërmjet në fushate që nisi vitin e kaluar pasi Kongresi Amerikan refuzoi propozimin e Trumpit për ndërtimin e murit.
Emigrantët që nisen nga vendet e Amerikës Qendrore si Guatemala, Hondurasi dhe El Salvadori me arsye të “dhunës dhe varfërisë” përpiqen të emigrojnë në SHBA nëpërmjet kufirit të Meksikës.
Ndërsa Trump, i cili kritikohet për politikat e tij kundër emigrantëve, arsyetohet se duhet të ndërtohet një mur në kufi me Meksikën për të luftuar imigracionin e paligjshëm dhe trafikimin e drogës.
Lille i Edon Zhegrovës është nikoqir i Real Madridit në Cham...
Tërmet me magnitudë 6.6 ballë në Oqeanin Paqësor
Zjarret në Greqi, Shqipëria i shkon në ndihmë me efektivë zj...
Balluku: Unaza e Madhe e Tiranës drejt finalizimit
Danimarkë, raportohet për dy shpërthime pranë ambasadës izra...
Goditja me raketa, Macron dënon sulmet e Iranit ndaj Izraeli...