Google ADS

Reagon Pacolli pasi Serbia ndalon në kufi gazetarë e artistë nga Kosova

10:36 | 29 Maj 2019
Arbresh.info

Gazetarë e artistë nga Kosova janë ndaluar sot në kufi me Serbinë.

Ata po planifikonin të merrnin pjesë në festivalin që mbahet çdo vit në Serbi, “Mirëdita, Dobar Dan”.

Ndaj kësaj ka reaguar kryediplomati kosovar, Behgjet Pacolli përmes një postimi në Twitter.

Sipas Pacollit, është i njëjti mentalitet i serbëve si në vitet e 90-ta.

“Dënoj ashpër sjelljen e policisë kufitare serbe ndaj pjesëmarrësve nga Kosova për “Mirëdita, Dobar dan”, aktivitet ky që kërkon pajtimin mes dy vendeve. Është i njëjti mentalitet dhe sjellje e policisë serbe si në vitet e 90-ta”, ka shkruar Pacolli në Twitter.

Kujtojmë, se edhe vitin e kaluar artistë nga Kosova ishin ndaluar në kufi, dhe nuk ishin lënë të marrin pjesë në të njëjtin festival.

 

Shpërndaje në rrjete sociale

Lajmet më të lexuara

Të ngjashme

Foto lajm