Google ADS

Nënshkruhet memorandum mirëkuptimi për mbikalimin e fshati Paldenicë në Han të Elezit

17:28 | 27 Maj 2019
Arbresh.info

Ministri i Infrastrukturës dhe Transportit Pal Lekaj, të hënën nënshkroi memorandum bashkëpunimi me kryetarin e Hanit të Elezit, Rufki Suma, për përkrahje financiare të disa projekteve.

Këto janë projekteve infrastrukturore, që nënshkruan Lekaj dhe Suma.

  1. Ndërtimi i mbikalimit të Paldenicës në autostradën Arbën Xhaferi;
  2. Asfaltimi i rrugës Paldenicë – Dërmjak
  3. Asfaltimi i rrugës në fshatin Dimcë
  4. Asfaltimi i rrugës së Paldenicës që kalon nëpër kazermë ku është vendosur Policia

Ky memorandum është rezultat i zotimit të ministrit Lekaj që të gjej zgjidhje për kërkesat e banorëve të Paldenicës së Hanit të Elezit. Ai ritheksoi se do të përmbushë të gjitha zotimet e dhëna ndaj qytetarëve të Republikës së Kosovës, për projekte efikase infrastrukturore.

Kryetari Suma, falënderoi ministrin për gatishmëri që t’i dalë në ndihmë për realizim të projekteve në komunën që ai drejton.

 

Shpërndaje në rrjete sociale

Lajmet më të lexuara

Të ngjashme

Foto lajm