Komuna e Pejës ndan 350 mijë euro për rrugën Stankaj – Bogë

15:27 | 27 Maj 2019
Arbresh.info

Njihet si vend turistik për të katër stinët e vitit.

E Boga nuk është fshat i vizituar vetëm nga kosovarët, turistët e huaj janë në numër të madh që tash e sa vite zgjedhin të pushojnë aty.

Kjo fal investimeve që janë bërë në këtë pjesë. Për rritjen e mëtutjeshme të këtij numri Komuna e Pejës ka vendosur që aty të shtoj edhe një investim, shkruan arbresh.info.

Komuna ka vendosur që të asfaltoj rrugën Stankaj  – Bogë. E për këtë janë ndarë plotë 350 mijë euro ose saktësisht 344 mijë e 648 euro. Kështu bëhet e ditur në njoftimin e bërë publik në faqen zyrtare të Komisionit Rregullativ të Prokurimit Publik.

Në të njëjtin njoftim thuhet do ët ndërtohet edhe një urë.

“Ky aktivitet ka për qëllim ndërtimin e rrugës dhe urës në Bogë”, thuhet në njoftim.

E koha që është paraparë për përfundimin e këtij ndërtimi është dhjetori i 2020-es.

“Kohëzgjatja e kontratës  në muaj, fillimin  02.07.2019 dhe përfundimi  31.12.2020”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm