Pacolli i shkruan Mogherinit

10:22 | 27 Maj 2019
arbresh.info

Zëvendëskryeministri i Kosovës, Behgjet Pacolli, njëherit edhe Ministër i Punëve të Jashtme, i ka shkruar përfaqësueses së lartë të Bashkimit Evropian, Federica Mogherinit në lidhje me veprimet e Serbisë karshi zyrtarëve kosovarë.

“Unë i kam shkruar sot, për të disatën herë, Federica Mogherinit Përfaqësuese e Lartë e Bashkimit Evropian për Punë të Jashtme për të shprehur shqetësimin e thellë të Republikës së Kosovës për arrestimin dhe kërcënimin e vazhdueshëm të qytetarëve të Kosovës nga autoritetet serbe në kundërshtim me marrëveshjen e lëvizjes së lirë dhe të drejtat e tyre themelore,” bënë të ditur Pacolli.

Ai i ka bërë thirrje BE-së që të ndërhyjë dhe të ndalojë këto veprime nga Beogradi.

“Kosova është e gatshme të marrë masa për të reaguar dhe për të mbrojtur qytetarët e saj të të gjitha përkatësive etnike dhe fetare.”/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm