Ministria e Infrastrukturës jep detaje për rrugën e mbyllur në Brezovicë

17:01 | 26 Maj 2019
A Z

Ministria e Infrastrukturës dhe Transportit ka bërë të ditur se vazhdon të jetë e mbyllur rruga që të shpie për në qendrën e skijimit në Brezovicë.

Rruga që të shpie në qendrën e skijimit në Brezovicë është akoma e mbyllur.

Këtë e ka bërë të ditur Ministria e Infrastrukturës dhe Transportit.

Sipas MIT-së, në këtë rrugë janë duke vazhduar punimet që kanë filluar nga ora 08:00.

“Ministria e Infrastrukturës dhe Transportit njofton qytetarët e Republikës së Kosovës se nga mëngjesi i ditës së sotme (e diele, 26.05.2019), ka filluar asfaltimi i rrugës rajonale R115, segmenti Shtërpcë – Brezovicë (rruga që shpie në qendrën e skijimit). Ajo do të jetë e mbyllur për qarkullim deri në orën 20:00. Lusim qytetarët që t’i shmangen këtij destinacioni edhe më tutje”, thuhet në njoftimin e MIT-së.

Shpërndaje në rrjete sociale

Të ngjashme