Google ADS

Bizhuteritë në vlerë prej katër milionë dollarë të Rita Orës harrohen në aeroplan

08:23 | 26 Maj 2019
Arbresh.info

Bizhuteritë dhe aksesorët e këngëtares shqiptare me famë botërore, Rita Ora, të cilat ishin të destinuara për paraqitjen e saj në Festivalin e Kanës, janë harruar në aeroplan.

Një grua që kujdesej për bizhuteritë e saj, që kapin vlerën rreth katër milionë dollarë, ishte ajo e cila bëri këtë gabim.

Ndërlidhësja, e cila u ngarkua me transportimin e bizhuterive të huazuara nga një markë luksoze, harroi ngarkesën e saj në aeroplanin e saj në Aeroportin e Nices, Francë, pasi mbërriti nga Londra, sipas AFP.

Deri në kohën që ajo e kuptoi, aeroplani kishte marrë tashmë fluturimin e kthimit në Aeroportin Luton të Londrës.

“Dikush me kokën në retë gati humbi disa miliona”, tha me shaka një polic, duke thënë se bizhuteritë u gjetën në Luton dhe u kthyen në Nice nëpërmjet aeroportit Heathrow të Londrës.

Ylli 28-vjeçar britanik e lindur në Kosovë u shfaq në Kanë më 16 maj veshur me një fustan të bardhë kombinuar me një gjerdan të mrekullueshëm me diamant.

Shpërndaje në rrjete sociale

Lajmet më të lexuara

Të ngjashme

Foto lajm