Bayerni mposht në finale RB Leipzigun për ta fituar trofeun e DFB Pokal

22:02 | 25 Maj 2019
Arbresh Info

Pas triumfit në Bundesligë, Bayern Munich ka arritur ta fitojë edhe DFB Pokalin, pasi në finale ka mposhtur RasenBallsport Leipzig (0-3).

Robert Lewandowski e hapi llogarinë e golave për bavarezët, duke shënuar gol në minutën e 29-të, për të shkuar në pushimin e pjesës së parë në epërsi.

Pjesa e dytë sërish filloi në të mirë të Bayern Munichut, që arritën të dominonin si nga posedimi i topit, ashtu edhe nga shanset e krijuara për lojë.

Bavarezët arritën ta dyfishonin epërsinë në minutën e 78-të, pasi Kingsley Coman shënoi një gol të bukur gjatë një aksioni të krijuar vetë.

Kur u mendua se ndeshja po përfundonte 0-2, Robert Lewandowski (85’) u shfaq edhe një herë, për ta shënuar golin e tij të dytë në ndeshje dhe të tretin për Bayernin.

Bavarezët arritën të fitonin dy trofe në këtë sezon, mirëpo nuk arritën të tregonin shumë në Ligën e Kampionëve, pasi u eliminuan nga Liverpooli. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm