Raphael Varane thotë se transferimi i Paul Pogbas dhe Eden Hazardit në Real Madrid është i mundshëm sepse lojtarët e mrekullueshëm janë gjithmonë të mirëpritur në klub.
Madridi është përfolur shumë për transferimin e këtyre superyjeve ndërkohë që trajneri Zinedine Zidane synon të përforcojë skuadrën pas sezonit zhgënjyes 2018/19, transmeton portali arbresh.info.
“Nuk mund të zbuloj se çfarë kam folur me Pogban, por çdo lojtar i mrekullueshëm ka vend në Madrid dhe ai është i tillë”, i ka thënë Varane gazetës spanjolle Marca.
“Në Madrid këtu ka shumë garë. Është një mundësi, këtu është duke u folur shumë kjo dhe ne do të shohim në gusht se ku do të jetë ai”
Sa i përket Hazardit, ai shtoi:
“E kam njohur atë që kur kam filluar karrierën në Lens. Ai është një top lojtar dhe gjërat janë ashtu siç e thash për rastin e Pogbas, ai mund të luaj gjithashtu në Madrid”
“Ai është në momentin më të mirë të karrierës së tij me moshën dhe kualitetin që ka. Kur ne [Franca] u përballem me Belgjikën në gjysmëfinale të Kampionatit Botëror, ne e dinim se duhet të kemi një plan të veçantë për të ndalur atë”, përfundoi Varane./arbresh.info/
“Kam trashëguar një skuadër të mirë nga Klopp”, Arne Slot re...
Vdekja misterioze e Tupac, hetuesja: P Diddy është i përfshi...
Kryesia e Kuvendit mblidhet nesër, këto janë pikat që do të ...
Taksistit në Prishtinë ia grabitin 100 euro nën kërcënimin e...
Policia ndalon dy persona në Zubin Potok, dyshohet se hynë i...
Gazeta spanjolle shkruan për Vlorën: Eksploroni perlën e fsh...