Cristiano Ronaldo fiton një çmim në Serie A

16:33 | 18 Maj 2019
Arbresh Info

Cristiano Ronaldo është emëruar Lojtari më i Vlefshëm në Serie A për sezonin 2018/19.

Çmimet për sezonin e ri janë dhënë nga Lega Serie A duke shfrytëzuar kalkulimet nga Opta Sports dhe Netco Sports, transmeton portali arbresh.info.

Këto vlerësime janë bërë duke llogaritur gjithashtu performancat e tyre në Serie A, Kupë të Italisë dhe Superkupë.

Ylli i Juventusit, Cristiano Ronaldo e ka fituar çmimin Lojtari më i Vlefshëm për kontributin me 22 gola dhe 11 asistime brenda 33 paraqitjeve.

Kapiteni i Interit, Handanovic do të pranojë çmimin për Portieri më i Mirë dhe ylli i Napolit, Kouliblay, për Mbrojtësi më i Mirë.

Milinkovic Savic ka pasur një sezon të dobët në krahasim me standartin e tij, por ende kryeson statistikisht dhe është vlerësuar si Mesfushori më i Mirë.

Quagliarella i Sampdorias ka fituar çmimin Sulmuesi më i Mirë falë 26 gola në Serie A.

Talenti i Romas, Zaniolo do të marrë çmimin Lojtari i ri më i Mirë për sezonin 2018-19./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm