Qeveria gjermane është shprehur e shqetësuar lidhur me tensionet në Lindjen e Mesme në relacion SHBA-Iran me ç‘rast ka paralajmëruar për një përshkallëzim ushtarak të mundshëm dhe thirrje për një zgjidhje paqësore, transmeton Anadolu Agency (AA).
Ulrike Demmer, zëdhënësja e kancelares Angela Merkel, deklaroi sot se me “shqetësim të madh po ndjekin tensionet në rritje në rajon, për çka mirëpresin çdo masë që synon një zgjidhje paqësore.
Demmer shtoi më tej se qeveria dënon të gjitha aktet të cilat si të tilla përshkallëzojnë më tej situatën në rajon.
Ndërkohë, zëdhënësja e Ministrisë së Jashtme, Maria Adebahr, tha se pavarësisht nga tensionet qeveria gjermane nuk ka reduktuar stafin e saj në ambasadat në Irak dhe në Iran.
Pak më parë, ushtria gjermane tha se për shkak të tensioneve ka pezulluar trajnimin e ushtarëve të Irakut, ndonëse nuk kishte shenja të ndonjë kërcënimi të veçantë për trupat e saj në Irak.
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...
Alarmi taktik i Kurtit për rrezikun e konflikteve nga Serbia