Atmosferë e jashtëzakonshme në Rahovec, palestra e stërmbushur në ndeshjen ndaj Prishtinës

22:31 | 10 Maj 2019
Arbresh Info

Palestra e qytetit të Rahovecit “Mizahir Isma” nuk ka mund t’i zë të gjithë tifozët për ndeshjen finale ndaj Prishtinës.

Në Rahovec është duke u zhvilluar ndeshje e katër finale e Play-Offit, ku “Vreshtarët” janë nikoqir të “Plisave”.

Ky takim është shumë i rëndësishëm pasi Rahoveci luan për të barazuar serinë në 2-2, ndërsa Prishtina me një fitore shpallet kampion.

Në përkrahje të vendasve edhe kësaj radhe kishin ardhur tifozë të shumtë që kishin stërmbushur palestrën “Mizahir Isma”.

Shkallët e palestrës ishin të stërmbushura, ndërsa shihen edhe tifozët që qëndronin në këmbë vetëm për ta përcjell këtë finale.

Edhe tifozët vendas “Vreshtarët” po përkujdesën për një atmosferë sa më të zjarrtë dhe të zëshme në përkrahje të ekipit të tyre.

Vlen të ceket se edhe organizimi ishte i një niveli të lartë nga drejtuesit e Rahovecit.

Shpërndaje në rrjete sociale

Lajmet më të lexuara

Të ngjashme

Foto lajm