Lideri i LDK’së, Isa Mustafa, ka thënë se edhe në Samitin e Berlinit, që nis nesër, Kosova duhet të dalë qartë kundër prekjes së kufijve.
“LDK-ja, si parti më e madhe në vend, është shprehur qartë për nevojën e një marrëveshjeje të qëndrueshme, sikurse që ka qenë dhe është e qartë se nuk do të përkrahë asnjë marrëveshje e cila prek kufijtë e Kosovës, shtetësinë e shpallur me Deklaratën e Pavarësisë të 17 shkurtit 2008, karakterin unitar të vendit dhe që është e rrezikshme për regjionin dhe më gjerë”, ka shkruar Mustafa, në një reagim në Fb.
Sipas tij, procesi i Berlinit, i idejuar nga Kancelarja Merkel, ka shtytë përpara rrjedhat e bashkëpunimit të BE-së me vendet e Ballkanit Perëndimor dhe, po ashtu, ka krijuar rrethana të reja të komunikimit ndërmjet këtyre vendeve.
“Jo vetëm Kosova dhe Serbia, por edhe vendet e tjera të Ballkanit Perëndimor kanë shumë punë për tu evropianizuar institucionalisht. Kosova ka nevojë për përkrahje të Gjermanisë dhe të Francës, tani si vende boshte të BE-së. Sikurse që i nevojitet partneritet i fortë me SHBA-të dhe Mbretërinë e Bashkuar për të arritur Marrëveshjen përfundimtare me Serbinë”, ka shtuar ai.
Në Samitin e Berlinit Kosova shkon me dy qëndrime: Një për ndryshimin e kufijve dhe bashkëngjitjen e Luginës së Preshevës me Kosovën dhe tjetri për të mos ndryshuar kufijtë. Qëndrimin e parë e shtynë përpara Presidenti Hashim Thaçi kurse mosprekjen e kufijve e mbështetë Kryeministri Ramush Haradinaj.
Lideri i LDK’së ka thënë se nëse Kosova shkon në Berlin me një qëndrim do ta ketë më të lehtë punën përballë miqve ndërkombëtarë.
“Kur Kosova është e qartë në qëndrimet e saj, dhe mendoj se pjesa dërmuese e subjekteve janë të qarta, e ka më leht edhe në Berlin edhe në Washington, ua lehtëson punën edhe miqëve tanë”, ka thënë Isa Mustafa.
Tjetër shpërthim në Libanin jugor, Izraeli zotohet të godas ...
Ursula von der Leyen të shtunën viziton Kosovës, pritet në t...
Zidane ‘injoron’ Ronaldon kur emëron tre lojtarët e Real Mad...
Moti sot në Shqipëri
Ministri bullgar sot viziton Kosovën, nënshkruajnë me Çekun ...
Sot mbahet ceremonia e hapjes së edicionit të 10-të të Shkol...