Në shtetin federal të Kalifornisë në SHBA një veteran i luftës në Irak ka drejtuar automjetin e tij mbi një grup kalimtarësh në rrugë duke menduar se janë myslimanë, transmeton Anadolu Agency (AA).
Sipas mediave amerikane, 34 vjeçari Isaiah Joel Peoples, të martën ka drejtuar mjetin e tij mbi grupin i cili po ecte në rrugë.
Shefi i policisë në rajonin Sunnyvale, Phan Ngo i cili po heton rastin tha se “Provat e reja tregojnë se i akuzuari ka vendosur qëllimisht në objektiv viktimat për shkak se ka besuar se ata i përkisnin besimit islam”.
Dëshmitarët thanë se kanë dëgjuar që Peoples pas sulmit me automjet ndaj këmbësorëve ka thënë “Falënderoj Jezusin, Falënderoj Jezusin”.
Në spital janë dërguar 4 persona nga grupi që përbëhej nga këmbësorë të moshës 9 deri në 52 vjeç në mesin e të cilit kishte gra dhe fëmijë. Bëhet e ditur se një vajzë 13 vjeçe me origjinë nga Azia Jugore është nën kujdes intensiv dhe në gjendje kritike.
Kryebashkiaku i rajonit Sunnyvale, Larry Klein deklaroi se “Ne dënojmë fuqimisht këtë akt dhe shoqëria jonë është e bashkuar kundër këtyre akteve të dhunës së pakuptimtë të shkaktuar nga urrejtja”.
Policia në lidhje me Peoples i cili gjatë viteve 2005-2006 ka kryer detyrën e snajperit në Irak dhe aktualisht punon si auditor në Departamentin e Mbrojtjes, tha se ai e ka kryer këtë sulm derisa ishte duke shkuar për tek grupi i leximit të ungjillit.
Ndërkohë Jay Boyarsky, Zëvendës Prokurori i Përgjithshëm i Santa Clara-s, tha se hetimi është duke u zhvilluar dhe se Peoples është dërguar në gjykatë me akuzën për tentativë vrasjeje të 8 personave dhe në rast se gjendet fajtor mund të dënohet me burg të përjetshëm.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...