Komisioneri Evropian për Politikën e Fqinjësisë Evropiane dhe Negociatat e Zgjerimit, Johannes Hahn gjatë një interviste për gazetën gjermane “Handelsblatt”, është shprehur se Maqedonia e Veriut dhe Shqipëria mund të shpresojnë për hapjen e negociatave me BE pas zgjedhjeve evropiane.
“Unë jam i bindur se Komisioni i BE-së do të paraqesë rekomandime pozitive për të dy vendet në fund të majit në bazë të kritereve të vendosura unanimisht nga Shtetet Anëtare”, tha komisioneri Johannes Hahn.
Hahn tha gjatë intervistës se Maqedonia Veriore e meriton hapjen e negociatave me BE, tashmë që arriti realizmin e marrëveshjes me Greqinë për çështjen e emrit.
Komisioni i BE-së do të paraqesë raporte mbi ecurinë e Shqipërisë dhe Maqedonisë së Veriut menjëherë pas zgjedhjeve evropiane (23-26 maj).
Komisioneri Evropian për Politikën e Fqinjësisë Evropiane dhe Negociatat e Zgjerimit, u ka bërë thirrje vendeve anëtare që të mos kërkojnë më shumë kohë pas paraqitjes së raporteve pozitive.
Sipas tij, “vetëm politikat e besueshme do të kenë sukses në nxitjen e procesit reformues të Ballkanit Perëndimor dhe ruajtjen e ndikimit tonë në rajon”./ Opinion
Rama ndan pamjet nga spitali Memorial i Fierit: Rreth 80 qyt...
Pesë të lënduar në një aksident trafiku në rrugën Prishtinë-...
Kusari-Lila për deklaratën e Hovenier: Mos na barazoni me Se...
Zidane pyetet nëse Bellingham mund ta fitoj Topin e Artë kët...
Kryeministri Kurti u takua me kryeministrin e Vanuatu, Charl...
Tensionet në Liban, mbi 30 mijë njerëz janë zhvendosur në Si...