Bie nga ndërtesa një i ri sa ishte duke punuar

20:21 | 26 Prill 2019
Arbresh.info

Një i ri i moshës 23-vjeçare ka rënë nga një ndërtesë.

Ngjarja ka ndodhur në rrugën Robert Doll në kryeqytet, raporton arbresh.info.

Zëdhënësja e policisë, Flora Ahmeti ka thënë se i riu me inicialet M.M ka pësuar lëndime trupore dhe se i njëjti është dërguar për tretman mjekësor në QKUK.

“Sot rreth orës 16:00 kemi pranuar informacion se një person ka rënë nga një ndërtesë në rrugën “Robert  Doll” në Prishtinë, derisa ishte duke punuar. Personi i lënduar M.M, mashkull 23 vjeçar është dërguar për tretman mjekësor ne QKUK. Me rastin po merren njësitet policore nga Stacioni Qendra”, tha ajo.

Në Kosovë janë shpeshtuar rastet e lëndimeve në punë, madje të tilla që kanë përfunduar me fatalitet.

Rasti më i fundit ishte ai i Visar Behramit, që e pësoi me jetë sa ishte duke punuar në ish hotelin Adriatik në Mitrovicë i cili u shemb pjesërisht.

Sipas Inspektoratit të Punës së Kosovës (IPK), gjatë tërë vitit 2018 deri më sot, kanë qenë 159 raste të aksidenteve në vend të punës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm