Ministri i Zhvillimit Ekonomik, Valdrin Lluka, vlerëson se Kosovës i duhet promovim më ‘agresiv’ në arenën ndërkombëtare, për të tërhequr investimet e huaja.

“Duhet një promovim më ‘agresiv’ i vendit tonë në arenën ndërkombëtare. Por, unë mendoj që ambienti i të bërit biznes siç është dëshmuar edhe nga Banka Botërore, Kosova është mjaftë mirë,” thotë Lluka për arbresh.info.

Sipas tij, Kosova është ndër vendet e pakta në botë ku dividenta nuk tatimohet dhe tatimi në fitim është shumë i vogël, rrogat mesatare janë të favorshme.

“Prandaj, investitorët nga vendet e huaja, ku kosto operative është shumë e madhe, në Kosovë të paktën e kanë 1/10 të asaj kostoje.”

Ministri Lluka thotë se edhe në fushën e shërbimeve jemi dëshmitarë të shumë kompanive të huaja që po hapin degë në Kosovë.

“Vetëm vitin e kaluar janë katër kompani amerikanë që kanë hapur qendra të programimit në Kosovë, ku secila ka punësuar nga 50 deri në 100 programerë që kryejnë shërbime për Shtetet e Bashkuara të Amerikës.”

Këto komente ministri Lluka i ka bërë në hapjen e restorant “Arbëresh”, në Hajvali./arbresh.info/