Google ADS

Protesta në Shqipëri, opozita shqiptare bllokon pesë rrugë kombëtare

08:24 | 25 Prill 2019
A. B.

Sot në orën 18.00 opozita shqiptare përshkallëzon protestën, ku për rreth një orë ajo do të bllokojë pesë rrugë kombëtare.

Në Elbasan, qarkullimi në rreth-rrotullimin Bradashesh do të paralizohet, ndërsa në Durrës do të bllokohet autostrada Plepa-Kavajë.

Edhe autostrada e Milotit për rreth një orë do të bllokohet nga militantët e opozitës.

Në të njëjtën orë kalimi në rreth-rrotullimin e Sheqit në Fier dhe atë të Shqiponjës në Tiranë gjithashtu do të paralizohet.

Përmes kësaj forme të mosbindjes civile te përdorur edhe më parë, opozita synon të forcojë mesazhin se aksioni i saj do të përshkallëzohet nëse kushti i saj për qeveri tranzitore dhe zgjedhje pa Edi Ramën kryeministër nuk plotësohet.

Bllokimi i rrugëve do t’i paraprijë protesta simbolike e të rinjve të FRPD-së e cila rikthehet tek Parlamenti në të njëjtën orë me seancën plenare.

Shpërndaje në rrjete sociale

Lajmet më të lexuara

Të ngjashme

Foto lajm