Arsenali luan këtë mbrëmje (e mërkurë) kundër Wolves dhe kjo është një ndeshje shumë e rëndësishme për të dy skuadrat.

“Topçinjtë” nisin takimin nga pozita e pestë, por mund të zhvendosen në pozitë kualifikuese për UEFA Ligë të Kampionëve me një fitore ndaj Wolves, transmeton portali arbresh.info.

Në rast se pësojnë humbje, ata do të bien në vendin e gjashtë por që Manchester United duhet të mposhtë Manchester Cityn.

Sa i përket Wolves, ata janë aktualisht në pozitën e dhjetë në tabelë dhe mund të kalojnë në pozitën e shtatë në rast se fitojnë kundër skuadrës së Unai Emery.

Wolves nis takimin me plotë besim marrë parasysh rekordin e tyre ndaj top gjashtë skuadrave në Premierë Ligë.

Fjalët e trajnerit Emery për Mustafin

Skuadra e Nuno Santos i ka marrë pikë të gjitha top skuadrave këtë sezon, përfshirë dy Arsenalit kur ata barazuan 1 me 1 në takimin e parë mes tyre në nëntor.

Si rezultat i kësaj, Arsenali duhet të jetë në top formë kundër tyre sonte.

Pas një performance të dobët kundër Crystal Palaces vikendin e kaluar, tifozët shpresonin që futbollisti shqiptar Shkodran Mustafi të largohet nga planet e trajnerit Emery për një kohë, transmeton portali arbresh.info.

Megjithatë, spanjolli i ka dalë në mbrojtje Shkodranit duke thënë:

“Mustafi është një lojtar i mirë, një qendërmbrojtës shumë i mirë. Ai ka një shprehi për të bërë ndërprerje dhe për tu shtrirë në fushë duke përdorur parashikimet e tij kundër kundërshtarit”

“Ai mund të fitoj një rast, dy, tre apo katër. Por, në rast se humb një, ai është në pjesën kryesore dhe nëse ne pranojmë një gol ai është në qendër të vëmendjes. Kam folur me të dhe i kam thënë: ‘Ju jeni i ri, ju mund të përmirësoheni dhe ju duhet të punoni shumë sepse ju keni shumë kualitet si një qendërmbrojtës”

“Për shembull, kundër Watfordit, ai ishte më i miri prej lojtarëve, ai fitoi topa në ajër me kokën e tij dhe kjo është një statistikë shumë e mirë për të. Të dielën kundër Christian Bentes ishte më vështirë për të fituar çdo top në ajër por ishte 50 me 50”, citohet të ketë thënë Emery për Telegraph.

Mustafi është në dispozicion në ndeshjen e sotme vetëm nga bankina, ndërsa Granit Xhaka shënon rikthimin nga lëndimi./arbresh.info/