Prokuroria Themelore në Prishtinë sot kanë nisur hetimet rreth akuzave të familjarëve të 6 vjeçarit nga Peja, ndaj mjekëve të Qendrës Klinike Universitare të Kosovës në Prishtinë (QKUK), shkruan arbresh.info.
Kryeprokurori i Prokurorisë Themelore në Prishtinë, Imer Beka në një prononcim për “arbresh.info” ka thënë se sot, ai bashkë me prokurorin kujdestarë do të kërkojnë fillimin e hetimeve për këtë rast.
“Sot së bashku me prokurorin kujdestar do të kërkojmë nga hetuesit fillimin e hetimeve”, ka thënë Beka për arbresh.info.
Vdekja e 6- vjeçarit nga Peja në QKUK:
A.B, 6-vjeçar nga Peja ka vdekur nga sulmi në tru, përderisa ishte duke u trajtuar në QKUK
Sipas njoftimit të lëshuar nga familjarët e vogëlushit thuhet se për gjendjen e viktimës mjekët thanë se ka vetëm temperaturë dhe grip pa i bërë ndonjë analizë më të gjerë.
Të njëjtit thonë se vdekja e të miturit ka ardhur si shkak i mos pakujdesisë së mjekëve në QKUK.
Gjyshja jep detajet se si ndodhi ngjarja:
Valbona, gjyshja e 6-vjeçarit që ka ndërruar jetë në QKUK, në Prishtinë ka treguar se si ka ndodhur rasti. Ajo ka treguar se ka pritur 2 orë për shofer të ambulantes në spitalin e Pejës për ta dërguar në Prishtinë.
Ajo ka treguar se djali i ka vdekur në duar, ndërsa mjekët më pas janë munduar ta kthejnë në jetë por nuk ka mundur.
“Fëmijën e kem dërgu me datë 15, ditë e hanë. E kem dërgu me temperature e ethe, të skuqur nëpër trup. Në pediatri i kanë thane se ka pezmatim në fyt, por djali ka thënë po më dhemb koka. Ja ka qit një terapi edhe na kanë thane dhe e kena pru te shpija. Të nesërmen ka fillu me vjdh. E kem qu prap te pediatri në ambulantë . Doktoresha tha ka infeskion në fyt dhe me ja përdorë terapinë. Qone në infektive dhe ja japin një infuzion. E kemi dërgu në spitalin e Pejës dhe si e kemi shti në Infektivën e Pejës i ka humbur vetëdija. Infeskioni i ka shku prej fytit në tru”, ka deklaruar gjyshja Valbonë e 6-vjeçarit të ndjerë./arbresh.info
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...