Tifozët e Liverpoolit i janë drejtuar rrjeteve sociale për ta pyetur trajnerin, Jurgen Klopp për formacionin e tij startues në ndeshjen e djeshme kundër Portos.

Liverpooli u kualifikua në gjysmëfinalen e Ligës së Kampionëve me rezultat të përgjithshëm 6:1 nga të dyja ndeshjet me klubin e madh nga Portugalia.

për ndeshjen e djeshme të zhvilluar në “Estadio do Dragao”, Klopp kishte vendosur t’i pushonte disa nga yjet e skuadrës së tij, shkruan Zëri.

Roberto Firmino, Naby Keita dhe Jordan Henderson ishin lënë në bankën rezervë.

Por, çështja e Xherdan Shaqirit ishte sërish në mesin e më të përfolurave në rrjetet sociale.

Pavarsisht avantazhit nga ndeshja e parë, Klopp kishte vendosur ta lë mesfushorin nga Kosova në bankën rezervë, madje nuk e inkuadroi fare në pjesën e dytë.

Dhe për këtë, Klopp ka marrë kritika të shumta nga tifozët e Liverpoolit.

“Klopp do të duhej të startonte me Shaqirin”, shkroi një tifoz.

Një tjetër tifoz shkroi: “Çfarë duhet të bëjë Shaqiri që të startojë?”.

“Klopp startoi me Milner dhe Origi, por jo me Shaqirin???”, shkroi një tjetër.

“Formacion i mirë, por do të doja që ta shihja Shaqirin”, ishte pyetja e një tjetër tifozi.

Xherdan Shaqiri hasn't started a game since January… 

Need him fit though, his time will come!🔴👇 pic.twitter.com/21IwXfwZwF

— The Football World (@thefootiewrld) April 12, 2019