Google ADS

250 mijë euro për rregullimin e shtratit të lumit Drenica

18:45 | 16 Prill 2019
Arbresh.info

Kryetari i Komunës së Drenasit, Ramiz Lladrovci ka nënshkruar marrëveshje të mirëkuptimit me ministrin e Ministrisë së Zhvillimit Rajonal, Rasim Demiri për bashkëfinancimin e projektit “Rregullimi i shtratit të lumit Drenica, faza e parë” (pastrimi dhe thellimi i lumit).

Sipas kësaj marrëveshje të bashkëfinancimit mes Komunës dhe MZHR-së për rregullimin e shtratit të lumit Drenica faza e parë, vlera e përgjithshme e projektit është 250 mijë euro. Ministria e Zhvillimit Rajonal nga buxheti i vet për vitin 2019 do të ndaj mjete në verën prej 70 mijë eurove, kurse Komuna nga buxheti i saj vjetor për vitin 2019 do të ndaj mjete në vlerën prej 120 mijë euro, kurse pjesa prej 60 mijë euro do të ndahet nga Komuna e Drenasit ne një fazë tjetër të realizimit të projektit.

Pas nënshkrimit të marrëveshjes për bashkëfinancimin e këtij projekti, kryetari Lladrovci dhe ministri Demiri, janë zotuar se do t’i kryejnë obligimet e tyre sipas marrëveshjes së nënshkruar.

 

Shpërndaje në rrjete sociale

Lajmet më të lexuara

Të ngjashme

Foto lajm