Google ADS

Barça vetëm barazim si mysafirë ndaj Huescas

18:06 | 13 Prill 2019
Arbresh Info

Takimi i sotëm (e shtunë) ndërmjet Huescas dhe Barcelonës ka përfunduar pa gola.

Dy skuadrat spanjolle janë ndarë baras me rezultat 0 me 0 në takimin e zhvilluar në kuadër të xhiros së 32-të në La Liga, shkruan portali arbresh.info.

Skuadra e fundit në tabelën e kampionatit kryesor të Spanjës ka rrëmbyer një pikë ndaj skuadrës së dytë të gjigantit katalunas që ka pushuar një numër të madh yjesh para ndeshjes kthyese në Camp Nou në kuadër të Ligës së Kampionëve kundër Manchester United.

Boateng, Dembele dhe Malcom ishin në linjën frontale ndërkohë që Valverde i dhuroi debutimin mesfushorit 19-vjeçar Ricard Puig. Por, edhe pse dominuan në posedim të topit, tentime për gola dhe gjuaje në portë, mysafirët nuk arritën të marrin më shumë se barazim.

Takimi përfundoi pa gola dhe Barcelona vazhdon qëndrimin në krye të tabelës me 73 pikë, 11 më shumë se rivali më i afërt – Atletico, ndërsa Huecas është në fund të tabelës me vetëm 24 pikë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm