Këshilli belg i ministrave mbrëmë e miratoi propozim-ligjin për inkuadrimin e Maqedonisë së Veriut në NATO, hapi i parë ndaj ratifikimit të plotë.
Në propozim të kryeministrit Sharl Mishel dhe ministrit të Punëve të Jashtme, Didie Rejders, Këshilli i Ministrave të qeverisë belge e miratoi propozim-ligjin për anëtarësimin e Maqedonisë së Veriut në Aleancë, njofton AIM, përcjell telegrafi maqedoni.
Para se të ratifikohet në Parlament, protokolli inkuadrues duhet së pari të kalojë përmes Këshillit Shtetëror, i cili duhet të japë mendim.
Këshilli shtetëror ka rol konsultativ në materiet ligjdhënëse dhe ka për obligim ta analizojë ligjshmërinë e propozim-ligjeve para miratimit në parlament. Edhe pse mendimet e tij nuk janë obliguese, ky hap është pjesë e praktikës së zakonshme në Belgjikë.
Pasi Këshilli Shtetëror do të deklarohet, propozim-ligji do t’i dorëzohet Parlamentit federal për ratifikim, parlamentet tjera rajonale të vendit nuk janë të involvuara në këtë proces.
Nga Ministria e Punëve të Jashtme e Belgjikës për AIM thonë se nuk kanë mundësi tani të tregojnë sa kohë do t’i duhet Këshillit Shtetëror për ta dhënë mendimin e tij dhe të jepet protokolli në procedurë parlamentare, por se bëhet fjalë për një procedurë mjaftë normale dhe se nuk priten kurrfarë pengesa.
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...